Документи за Анализа на пазар

15 Ноември 2009

Агенцијата за електронски комуникации (АЕК) во рамките на својот делокруг на работа промовира ефикасна конкуренција во областа на електронските комуникациски мрежи и услуги, заштита на нарушување или ограничување на конкуренцијата во областа на електронските комуникации притоа овозможувајќи во слични околности да нема дискриминација во третманот на операторите на електронски комуникациски мрежи и давателите на електронски комуникациски услуги. АЕК исто така го следи развојот на електронските комуникации и зголемување на поволностите на корисниците.
Основните чекори во вршење на анализата на релевантните пазари се:

1. Дефинирање на релевантните пазари на производи и услуги на пазарот на електронски комуникации
2. Анализа на релевантните пазари односно утврдување дали пазарот е ефикасно конкурентен или постои оператор кој поседува значителна пазарна моќ
3. Определување на оператор со значителна пазарна моќ
4. Определување на обврски на оператор со значителна пазарна моќ или одржување, модифицирање или отповикување на претходно определени обврски на оператор со значителна пазарна моќ

Заради усогласен, транспарентен и недискриминаторен пристап во спроведување на анализата (принципи, постапки, процедури, информации...) на сите релевантни пазари предмет на анализа АЕК изготви Методологија за анализа на релевантните пазари- Методологија за анализа на релевантни пазари (739.14 kB 2009-04-03)
Методологијата за анализа на релевантните пазари е изготвена во согласност со Законот за електронски комуникации и подзаконските акти донесени врз негова основа, Законот за заштита на конкуренцијата притоа земајки ги во предвид основните напатствија од Европската комисија за вршење на анализа на релевантни пазари и утвдување на значителна пазарна моќ согласно ЕК регулаторна рамка за електронски комуникациски мрежи и услуги.. АЕК при вршењето на анализата на релевантите пазари соработува со органот надлежен за заштита на конкуренцијата односно Комисијата за заштита на конкуренцијата.